खासदार आनंदराव अडसूळ अमरावतीऐवजी शिर्डी लोकसभा मतदारसंघातून लढण्याची शक्यता

0
414

अमरावती, दि. ९ (पीसीबी) – आगामी लोकसभा निवडणुकीच्या पार्श्वभूमीवर अमरावती लोकसभा मतदारसंघात अनेक धक्कादायक राजकीय घडामोडी घडणार असल्याची चिन्हे दिसू लागली आहेत. अमरावती मतदारसंघात राजकीय वातावरण प्रतिकूल असल्यामुळे विद्यमान शिवसेना खासदार आनंदराव अडसूळ यांनी अहमदनगर जिल्ह्यातील शिर्डी लोकसभा मतदारसंघात चाचपणी सुरू केल्याचे समजते. पक्षातूनच होणाऱ्या विरोधांमुळे पक्षश्रेष्ठींनीही खासदार अडसूळ यांना अमरावती लोकसभा मतदारसंघातून तिसऱ्यांदा निवडणूक मैदानात न उतरवण्याचा निर्णय घेतला असल्याची चर्चा आहे. तसेच मतदारसंघातील सध्याची राजकीय स्थिती पाहता स्वतः अडसूळ यांनीही शिवसेना पक्षप्रमुख उद्धव ठाकरे यांच्याकडे शिर्डी लोकसभा मतदारसंघातून निवडणूक लढवण्याची इच्छा व्यक्त केल्याचे समजते.