पिंपरी, दि. ११ (पीसीबी) – कोल्हापूर व सांगली जिल्ह्यात आलेल्या महापुरा मुळे विस्थापित झालेल्या अनेक पुरग्रस्तांसाठी पिंपरी चिंचवड, प्राधिकरणातील शिवतेज प्रतिष्ठान , कृष्णा डायग्नोसिस सेंटर , पिंपरी चिंचवड माऊंटेनरींग क्लब व एसीईएम शाळेच्या माजी विद्यार्थ्यांच्या वतीने मदतीचा हात दिला .
एकलिटर पाण्याचे १२५ बॉक्स , पारले बिस्कीटचे ५०बॉक्स , २०० ब्लँकेट्स व मेणबत्तीचे २१० बॉक्स विभागीय आयुक्त कार्यालयात देण्यात आले. आज राज्यात अनेक ठिकाणी पावसाने थैमान घातले आहे . आपण समाजाचे काहीतरी देणे लागतो या भावनेतून प्रत्येकाने पुरग्रस्तांना मदत करण्याचे आवाहन शिवतेज प्रतिष्ठान चे सुरेश वाडकर यांनी या प्रसंगी केले .