काश्मीर: चकमकीत ३ दहशतवादी ठार; जवान शहीद

0
365

पुलवामा, दि. १६ (पीसीबी) – पुलवामा येथील दलीपोरा येथे सुरू असलेल्या सुरक्षा दल आणि दहशतवाद्यांमधील चकमकीत ३ दहशतवाद्यांना कंठस्नान घालण्यात सुरक्षा दलाच्या जवानांना यश आले आहे. दरम्यान. या चकमकीदरम्यान सुरक्षा दलाचा एक जवान शहीद झाला असून दोन जवान जखमी झाल्याचे वृत्त आहे. दरम्यान, पुलवाम्यात संचारबंदी लागू करण्यात आली आहे.

लष्करी सूत्रांनी दिलेल्या माहितीनुसार, पुलवाम्यातील दलीपोरा भागात काही दहशतवादी लपून बसल्याची माहिती एसओजीच्या संयुक्त टीमला मिळाली. यानंतर आज पहाटे जवानांनी या भागाला घेरले. जवानांनी शोध मोहीम सुरू केल्यानंतर दहशतवाद्यांनी गोळीबार सुरू केला. अजूनही सुरक्षा दल आणि दहशतवाद्यांमध्ये चकमक सुरू असल्याची माहिती मिळत आहे.

या पूर्वी १० मे या दिवशी दहशतवादी संघटना आयएसजेकेचा कमांडर इशफाक अहमद याला सोपोर येथील चकमकीत ठार झाला होता. हिजबुल कमांडर लतीफ आपल्या अन्य दोन साथीदारांसह एका इमारतीत लपून बसला होता. या वेळी झालेल्या चकमकीत लतीफसह दोन दहशतवाद्यांना कंठस्नान घालण्यात सुरक्षा दलाच्या जवानांना यश आले होते. या चकमकीदरम्यान एक जवान जखमी झाला होता.