नवी दिल्ली, दि. १४ (पीसीबी) – सध्याच्या परिस्थितीत देशात लोकसभा व विधानसभा निवडणुका एकत्रित घेणे शक्य नाही. मात्र, त्यासाठी योजनाबद्ध पद्धतीने नियोजन केल्यास अनेक राज्यांमध्ये लोकसभा निवडणुकांबरोबर विधानसभेच्या निवडणुका घेणे शक्य होईल. तसेच यासाठी कायद्यात दुरूस्ती करावी लागणार आहे. त्याचबरोबर पुरेशा प्रमाणात मशीन्स आणि सुरक्षेची व्यवस्था करावी लागणार आहे. तरच एकत्र निवडणुका घेणे शक्य होणार आहे, असे मुख्य निवडणूक आयुक्त ओ पी रावत यांनी म्हटले आहे.