मुंबई, दि. ८ (पीसीबी) – स्वाभिमान पक्षाचे अध्यक्ष आणि माजी मुख्यमंत्री नारायण राणे यांचे भाजपबरोबरही सूत जमण्याची चिन्हे नाहीत. त्यामुळे राणे यांनी आगामी लोकसभा निवडणुकीत राष्ट्रवादी काँग्रेसशी हातमिळवणी करण्याच्या हालचाली सुरू केल्या आहेत. मात्र, राष्ट्रवादी व राणे यांच्या या संभाव्य आघाडीला काँग्रेसचा विरोध असेल, असे पक्षाचे प्रदेशाध्यक्ष अशोक चव्हाण यांनी स्पष्ट केले आहे.
या आघाडीबाबत बोलताना चव्हाण म्हणाले की, कोकणातील काँग्रेसच्या कार्यकर्त्यांचा राणेंना पुन्हा सोबत घेण्यास विरोध आहे. त्यामुळे अशा प्रकारच्या हातमिळवणीस काँग्रेसचा विरोध असेल, असे ते म्हणाले.