नवी दिल्ली, दि. २० (पीसीबी) – जीवन कसे असावे, ते कसे जगावे, का जगावे आणि कशासाठी जगावं याचे मुर्तीमंत उदाहरण म्हणजे अटलजी होते. ते जनसामान्यांसाठी जीवन जगले.. ते देशासाठी, देशवासियांसाठी जगले. त्यांचे संपूर्ण आयुष्य मार्गदर्शक होते, अशा शब्दांत पंतप्रधान नरेंद्र मोदी यांनी दिवंगत माजी पंतप्रधान अटल बिहारी वाजपेयी यांना श्रध्दांजली वाहिली.
दिल्लीतील इंदिरा गांधी स्टेडियममध्ये आयोजित सर्वपक्षीय श्रद्धांजली सभेत मोदी बोलत होते.