औरंगाबाद, दि. २६ (पीसीबी) – एमआयएम पक्षाचे अध्यक्ष असदुद्दीन ओवेसी यांनी अखेर आमदार इम्तियाज जलील यांच्या औरंगाबाद लोकसभा मतदारसंघातील उमेदवारीवर शिक्कामोर्तब केले आहे. हैदराबाद येथे आमदार इम्तियाज जलील आणि काही नगरसेवकांच्या उपस्थितीत झालेल्या बैठकीनंतर ओवेसी यांनी हा निर्णय घेतला. एमआयएम पक्षाने औरंगाबाद लोकसभा मतदारसंघात निवडणूक लढविली पाहिजे, असा आग्रह आमदार इम्तियाज यांनी प्रारंभापासून धरला होता.
