मुंबई, दि. २९ (पीसीबी) कोरेगाव-भीमा दंगलप्रकरणी एल्गार परिषदेला दोषी ठरवत परिषदेशी संबंधित कार्यकर्त्यांचे व बंदी घातलेल्या माओवादी संघटनेचे लागेबांधे असल्याचे पोलिसांना आढळले होते. या प्रकरणी पोलिसांनी मंगळवारी देशभरात विविध ठिकाणी कारवाई करत नक्षलींशी संबंध असल्याचा ठपका ठेवत पाच जणांना अटक केली होती. या पाच जणांना ५ सप्टेंबरपर्यंत नजर कैदेत ठेवण्याचे आदेश सर्वोच्च न्यायालयाने दिले आहेत.