‘एलियन्स पृथ्वीवर आले,पण आपल्याला कळले नाही’; नासाच्या शास्त्रज्ञाचा दावा

0
1845

नवी दिल्ली, दि. ७ (पीसीबी) – एलियन्स पृथ्वीवर येऊन गेले असतील पण आपल्याला कळलं नसेल असा दावा नासाचे संगणक शास्त्रज्ञ सिल्व्हानो कोलोम्बानो यांनी केला आहे. एलियन्सबद्दलची गृहितके पूर्णपणे बदलण्याची आज आपल्याला गरज आहे असे मत सिल्व्हानो कोलोम्बानो यांनी व्यक्त केले आहे.

सिल्वहाने कोलोम्बानो यांच्यामते एलियन्सकडे आपण एका विशिष्ट दृष्टीने वर्षानुवर्ष एलियन्सचा विचार करतो आहोत. हे अत्यंत चुकीचे आहे. एलियन्सकडे पाहण्याची दृष्टी बदलण्याची आपल्याला गरज आहे. एलियन्स एखादवेळा हाडामासाच्या माणसांसारखीच दिसत असतील. त्यांची वाहन मानवी विमानांपेक्षा वेगळी नसतील. त्यामुळेच आपल्याला त्यांना ओळखता आले नसेल. एलियन्सच्या विषयाचा पूर्णत: नव्याने अभ्यासायची गरज आहे असे मत कोलोम्बानो यांनी व्यक्त केले आहे. तसेच मानवी उत्क्रांतीच्या इतिहासात विज्ञानाची प्रगती मात्र फक्त गेल्या ५०० वर्षांमध्ये झालेली आहे. त्यामुळे त्याआधी एलियन्स कधी आले असतील तर आपल्याकडे काही उल्लेखही नाही.

सिल्व्हानो यांनी या विषयावर संशोधन पेपरही प्रसिद्ध केला असून यावर नासामध्ये मोठ्या प्रमाणात चर्चाही होते आहे.