मुंबई , दि. १६ (पीसीबी) – एअरटेलने प्रति ग्राहक कमाई वाढवण्यासाठी आता आणखी एक निर्णय घेतला आहे. एअरटेलने आपले ४९९ रुपयांपेक्षा कमी पोस्टपेड प्लान आता रद्द केले आहेत. त्यामुळे आता एअरटेलचे पोस्टपेड प्लान ४९९ रुपयांपासून सुरू होणार आहेत.
एअरटेलच्या २८.४ कोटी ग्राहकांपैकी ५ ते ७ टक्के पोस्टपेड ग्राहक आहेत. मात्र, उत्पन्नात या ग्राहकांचा वाटा २० ते २५ टक्के आहे. त्यामुळे कंपनीने आता प्रती ग्राहक उत्पन्नावर भर देत नफा कमावण्याकडे लक्ष वळवले आहे.
एअरटेलने २९९ आणि ३९९ रुपयांच्या पोस्टपेड प्लानसह ६४९, ११९९ आणि २९९९ रुपयांचे पोस्टपेड प्लान रद्द केले आहेत. त्यामुळे आता एअरटेलकडे आता ४९९, ७४९, ९९९ आणि १५९९ रुपयांचे चार पोस्टपेड प्लान आहेत.
सूत्रांनी दिलेल्या माहितीनुसार, ३४९ रुपयांचे प्लान काही सर्कल्समध्ये अजूनही सुरू आहेत. टप्पा-टप्प्याने हे प्लानदेखील बंद करण्यात येणार आहे. टेलिकॉम कंपन्या आपल्या कोणत्या प्लानला किती प्रतिसाद मिळतो यावर प्लान बंद ठेवायचा की बंद करायचा याचा निर्णय घेत असल्याची माहिती टेलिकॉम क्षेत्रतील तज्ञ भारत भार्गव यांनी दिली. प्रत्येक प्लाननुसार काही खर्चदेखील जोडलेले असतात. त्यामुळे प्रत्येक प्लानची समिक्षा करण्यात येते.