उद्धव ठाकरे, आदित्य ठाकरे पूरग्रस्त भागाचा दौरा करणार

0
333

मुंबई, दि. १६ (पीसीबी) – शिवसेना पक्षप्रमुख उद्धव ठाकरे  २१ आणि २२ ऑगस्टला कोल्हापूरच्या पूरग्रस्त भागाचा दौरा करणार आहेत. कोल्हापूर, सागंली जिल्ह्यातील पूर सध्या ओसरताना दिसत आहे. त्यामुळे शिवसेना नेत्यांसह उद्धव ठाकरे युवासेना प्रमुख आदित्य ठाकरे यांच्यासोबत पूरग्रस्त भागाचा दौरा करणार आहेत.   

सांगली, कोल्हापूर जिल्ह्यात पूर परिस्थिती असताना शिवसेना पक्षप्रमुख उद्धव ठाकरे यांनी आपल्या कार्यकर्त्यांसह नेत्यांना मदत करण्याचे आवाहन केले होते.  एकनाथ शिंदे, श्रीकांत शिंदे, प्रताप सरनाईक, धैर्यशील माने या शिवसेना नेत्यांसह इतर कार्यकर्त्यांनी जमेल तशी मदत पूरग्रस्त भागाला केली आहे.

काही दिवसांपूर्वी पत्रकार परिषद घेऊन उद्धव ठाकरेंनी आपण लवकरच आदित्य ठाकरे यांच्यासोबत पूरग्रस्त भागाचा दौरा करणार आहोत, असे सांगितले होते.   या दौऱ्यात उद्धव ठाकरे यांच्यासोबत युवासेना प्रमुख आदित्य ठाकरे यांच्यासह शिवसेनेचे कोल्हापूरचे सर्व आमदार, खासदार आणि महत्वाचे नेते  उपस्थित राहणार आहेत.