अलिबाग, दि. २० (पीसीबी) – रायगड जिल्ह्यातील अलिबाग येथे असलेल्या रेवदंडा या प्रसिद्ध किल्ल्यावर १९ मे २०१९ रोजी दुर्ग संवर्धन मोहिमेचे आयोजन करण्यात आले होते. यावेळी आधीच्या गणनेव्यतिरिक्त नवीन २२ तोफा उजेडात आल्या आहेत. पोर्तुगीज काळातील या किल्ल्यात ३६ तोफांची नव्याने नोंद सह्याद्री प्रतिष्ठान मार्फत करण्यात आली आहे. या सर्व तोफांवर क्रमांक टाकण्यात आले आहेत, जेणेकरून त्याची गणना होईल असे प्रतिष्ठानच्या कार्यकर्त्यांनी सांगितले.
