मुंबई, दि. १७ (पीसीबी) – भाजपचे राष्ट्रीय अध्यक्ष अमित शहा मंगळवारी (दि.१६) तीन तासांच्या मुंबई दौऱ्यावर आले होते. यादरम्यान त्यांनी मुख्यमंत्र्यासोबत गुप्त बैठक घेतल्याचे समजते. या बैठकीत नेमके काय घडले, हे अद्याप गुलदस्त्यातच आहे. मात्र, राज्याच्या राजकीय वर्तुळात विविध चर्चांना उधाण आले आहे. गेले अनेक दिवसांपासून राज्यात मंत्रिमंडळ विस्ताराची चर्चा सुरू आहे. त्यामुळे शहा यांचा दौऱ्याला वेगळे महत्त्व प्राप्त झाले आहे.