मुंबई, दि. १७ (पीसीबी) – अभिनेता विकी कौशल आणि मॉडेल हरलीन सेठी यांचं ब्रेक अप झाल्याचे आता त्यांच्या चाहत्यांनादेखील माहीत आहे. परंतु, या ब्रेक अपनंतर हरलीनला डिप्रेशन आलं असल्याची चर्चा आहे.
विकीसोबत ब्रेक अप झाल्यानंतर हरलीनला त्याचा प्रचंड मानसिक त्रास होतो आहे. हरलीनच्या अतिशय जवळ असणाऱ्या व्यक्तीनं एका प्रसिद्ध वेबसाइटला दिलेल्या माहितीनुसार, हरलीनला ब्रेक अपमुळे मोठा धक्का बसलाय. तिला डिप्रेशन आलंय आणि सध्या तिची थेरपी सुरू आहे. डिप्रेशनमधून बाहेर पडण्यासाठी हरलीन आपल्या कुटुंबीयांसोबत जास्तीत जास्त वेळ सध्या घालवते आहे. ती लवकरच डिप्रशेनमधून बाहेर पडले अशी आशा सगळेच व्यक्त करत आहेत.
विकी आणि हरलीननं आपलं नातं बराच काळ अधिकृतरित्या जाहीर केलं नव्हतं. परंतु, ‘मनमर्जियां’ चित्रपटाचे प्रमोशन करताना विकीनं हरलीनंचा उल्लेख केला आणि सोशल मीडियावर फोटोही अपलोड केला. परंतु, काही दिवसांपूर्वी हरलीननं विकीला इन्स्टाग्रामवर अनफॉलो केल्यानंतर या दोघांचं ब्रेक अप झाल्याच्या चर्चांना उधाण आलं होतं. विकी आणि हरलीनच्या नात्यात दुरावा येण्यामागे कतरिना कैफ कारण आहे अशाही चर्चा रंगल्या. दरम्यान, विकी आणि हरलीनच्या ब्रेक अपचे कारण कतरिना नसून अभिनेत्री भूमी पेडणेकर आहे असंही बोललं जात आहे.
