नवी दिल्ली, दि. १७ (पीसीबी) – अखेर केंद्रीय मंत्री एम.जे. अकबर यांनी मंत्रिपदाचा राजीनामा दिला आहे. अकबर यांच्याविरोधात तब्बल २० महिलांनी लैंगिक छळाचे आरोप केले होते. त्यामुळे ते अडचणीत आले होते.
माझ्यावरील आरोपांविरोधात मी न्यायालयीन लढा देण्याचा निर्णय घेतला आहे. त्यामुळे मी आता परराष्ट्र राज्यमंत्रीपदाचा राजीनामा देत आहे. मला देशसेवा करण्याची संधी दिल्याबद्दल मी पंतप्रधान नरेंद्र मोदी आणि सुषमा स्वराज यांचा आभारी आहे, असे अकबर यांनी म्हटले आहे.