शिवसेनाही आगामी निवडणुकांमध्ये इतर पक्षांतील उमेदवारांना आयात करणार; उद्धव ठाकरेंची रणनिती

31

मुंबई, दि. ३१ (पीसीबी) – आता शिवसेनेनेही आगामी लोकसभा आणि विधानसभा निवडणुकीसाठी भाजपची रणनिती अवलंबण्याचा निर्णय घेतला आहे. एखाद्या मतदारसंघात शिवसेनेकडे भक्कम उमेदवार नसल्यास पक्षातील पदाधिकाऱ्यांची नाराजी डावलून इतर पक्षातील निवडून येणाऱ्या उमेदवाराला पक्षात घेण्याची रणनिती शिवसेना पक्षप्रमुख उद्धव ठाकरे यांनी आखल्याचे समजते. आगामी लोकसभा आणि विधानसभा निवडणुकीत स्वबळावर लढण्याचा पक्का इरादा करूनच ठाकरे यांनी ही रणनिती अवलंबण्याचा निर्णय घेतल्याचे बोलले जाते.