मोदींना रोखण्यासाठी विरोधकांची उत्तरप्रदेश, महाराष्ट्र आणि बिहारमध्ये रणनीती

25

नवी दिल्ली, दि. ४ (पीसीबी) – आगामी लोकसभा निवडणुकीत उत्तर प्रदेश, महाराष्ट्र आणि बिहार या राज्यांमध्ये विरोधी पक्षांनी एकत्र येत निवडणुकां लढवल्या तर  नरेंद्र मोदी यांचे दुसऱ्यांदा पंतप्रधान होण्याचे स्वप्न धुळीस मिळेल, असा विश्वास  काँग्रेसने व्यक्त केला  आहे. या तिन्ही राज्यांमध्ये समाजवादी पक्ष, बहुजन समाज पक्ष, राष्ट्रीय जनता दल आणि राष्ट्रवादी काँग्रेस या प्रमुख भाजपविरोधी पक्षांमध्ये डावपेचात्मक सामंजस्य झाले आहे, याबाबतचे संकेत काँग्रेसमधील खात्रीशीर सूत्रांनी दिले आहेत.