मावळ आणि शिरूर लोकसभेसाठी भाजपच्या संघटनात्मक बांधणीला वेग; प्रत्येक बुथवर २५ प्रशिक्षित कार्यकर्ते

33

पिंपरी, दि. १४ (पीसीबी) – आगामी लोकसभा निवडणुकीसाठी भाजपने कंबर कसण्यास सुरूवात केली आहे. त्यानुसार पक्षाने संघटनात्मक बांधणीवर जोर देण्याचा निर्णय घेतला आहे. मावळ आणि शिरूर या दोन्ही लोकसभा मतदारसंघासाठी स्वतंत्र क्षेत्रप्रमुख, प्रत्येक विधानसभेसाठी विस्तारक, प्रत्येक मतदान केंद्रासाठी शक्ती केंद्रप्रमुख, एका बुथसाठी २५ कार्यकर्ते आणि मतदार यादीच्या प्रत्येक पानासाठी स्वतंत्र कार्यकर्ता ही आगामी लोकसभा निवडणुकीच्या तयारीची वैशिष्ट्ये असून संघटनात्मक बांधणीचा कालबद्ध कार्यक्रमही आखण्यात आला आहे.