‘मातोश्री’ बाहेर राष्ट्रवादी महिला कार्यकर्त्यांचे आंदोलन; शरद पवारांवरील टीकेचा निषेध

23

मुंबई, दि. १४ (पीसीबी) – राष्ट्रवादी काँग्रेसचे अध्यक्ष शरद पवार यांच्यावर आक्षेपार्ह टीका केल्याच्या निषेधार्थ शिवसेना पक्षप्रमुख उद्धव ठाकरे यांच्या ‘मातोश्री’ निवासस्थानाबाहेर राष्ट्रवादीच्या महिला कार्यकर्त्यांनी आज (मंगळवार) दुपारी आंदोलन करून घोषणाबाजी केली. यावेळी आंदोलक महिलांनी निवासास्थानामध्ये घुसण्याचा प्रयत्न केला. मात्र, पोलिसांनी त्यांना रोखले. यानंतर मातोश्रीबाहेर काही काळ तणावची परिस्थिती निर्माण झाली होती.