पिंपरीच्या महापौरपदासाठी भाजपकडून राहुल जाधव, तर उपमहापौरपदासाठी सचिन चिंचवडे यांचा अर्ज दाखल

35

पिंपरी, दि. ३१ (पीसीबी) – पिंपरी-चिंचवड महापालिकेच्या महापौरपदी कोणाची निवड केली जाणार याबाबत निर्माण झालेली प्रचंड उत्सुकता अखेर संपली आहे. महापालिकेतील सत्ताधारी भाजपने महापौरपदावर भोसरी विधानसभा मतदारसंघातील नगरसेवक राहुल जाधव यांना, तर उपमहापौरपदावर चिंचवड विधानसभा मतदारसंघातील सचिन चिंचवडे यांना संधी देण्याचा निर्णय घेतला आहे. त्यानुसार राहुल जाधव यांनी महापौरपदासाठी, तर सचिन चिंचवडे यांनी उपमहापौरदासाठी नगरसचिव उल्हास जगताप यांच्याकडे मंगळवारी (दि. ३१) उमेदवारी अर्ज दाखल केला. महापालिकेत भाजपचे स्पष्ट बहुमत असल्यामुळे जाधव आणि चिंचवडे या दोघांचीही निवड निश्चित आहे.