पहिल्याच महिन्यात मोदी २० हजार किलोमीटर प्रवास करून २० नेत्यांना भेटणार

53

नवी दिल्ली, दि. ३१ (पीसीबी) – पंतप्रधान नरेंद्र मोदी दुसऱ्यांदा पंतप्रधानपदाची सूत्रे हाती घेतल्यानंतर पहिल्या महिन्यातच तीन देशांचा दौरा करणार आहेत. पहिला दौरा मालदीव आहे. दुसऱ्या आठवड्यात ते किर्गिस्तानला जातील. महिन्याच्या अखेरच्या आठवड्यात ते जी-२० शिखर बैठकीत सहभागी होण्यासाठी जपान भेटीवर जातील. या दौऱ्यांत त्यांची जगभरातील अनेक नेत्यांशी भेट व चर्चा होईल. दुसऱ्या कार्यकाळातील पहिल्या ३० दिवसांत ८ तासांचा प्रवास करून माली ते दिल्ली येणे-जाणे, सुमारे ४० तासांचा प्रवास करून ओसाका, तर ७ तासांची बिश्केक भेट असा मोदींचा परदेश कार्यक्रम आहे. ते एकूण ५५ तासांचा हवाई प्रवास करतील. त्यांचा २० हजार किमींचा प्रवासही होईल.