चिखलीत तरुणीसोबतचे सेक्स करतानाचे व्हिडिओ चोरुन केले रेकॉर्ड; व्हिडिओ व्हायरल करण्याची धमकी देऊन केली पुन्हा सेक्सची मागणी

339

चिखली, दि. १६ (पीसीबी) – एका १९ वर्षीय तरुणीसोबत प्रेमाचे नाटक करुन तरुणाने तिच्या संमतीशिवाय तिच्यासोबतचे सेक्स करतानाचे नेकेड फोटो आणि व्हिडिओ काढले. तसेच ते व्हायरल करण्याची धमकी देऊन तिच्याकडे पुन्हा सेक्सची मागणी केल्याचा धक्कादायक प्रकार समोर आला आहे. ही घटना २०१६ ते मे २०१९ दरम्यान चिखली आणि आकुर्डी येथे घडली.

याप्रकरणी पिडित १९ वर्षीय तरुणीने चिखली पोलीस ठाण्यात फिर्याद दिली आहे. त्यानुसार, आरोपी कुलदीप सुभाष धुमाळ (वय २८, रा. ओमसाई सोसायटी, एफ/७, फ्लॅट नं. ४०३, घरकुल चिखली) याला अटक करण्यात आली आहे.

पोलिसांनी दिलेल्या माहितीनुसार, २०१६ ते मे २०१९ या कालावधीत आरोपी कुलदीप याने तरुणीसोबत प्रेमाचे नाटक केले. तसेच तिच्यासोबत सेक्स करतानाचे व्हिडिओ आणि नेकेड फोटो चोरुन रेकॉर्ड केले. त्या नंतर ते व्हिडिओ तरुणीच्या मोबाईलवर पाटवून ते व्हायरल करण्याची धमकी देऊन तिच्याकडे पुन्हा सेक्सची मागणी केली. याप्रकरणी पिडितेने चिखली पोलीस ठाण्यात गुन्हा दाखल केला आहे. त्यानुसार, पोलिसांनी कुलदीप याला अटक केली आहे. पोलीस निरीक्षक (गुन्हे) मनिष कल्यानकर अधिक तपास करत आहेत.