चिंचवडमधील आदित्य बिर्ला रुग्णालयाला दणका; गरीब रुग्णाला बिलासाठी डांबून ठेवल्याप्रकरणी सीईओ आणि रुग्णालयावर गुन्हा दाखल

49

पिंपरी, दि. २२ (पीसीबी) – चिंचवडमधील आदित्य बिर्ला रुग्णालयाने आर्थिक दुर्बल घटकातील एका रुग्णावर मोफत उपचार न करता उपचाराचे पैसे देत नाही म्हणून डांबून ठेवल्याने रुग्णालयाच्या मुख्य कार्यकारी अधिकारी रेखा दुबे, त्यांचा भाऊ राजेश दुबे आणि बिर्ला रुग्णालयातील बाऊंसर तसेच रुग्णालयावर वाकड पोलिस ठाण्यात गुन्हा दाखल करण्यात आला आहे. इच्छेविरोधात डांबून ठेवणे, जाणीवपूर्वक दुखापत करणे तसेच सामुहिकरित्या गुन्हा केल्याचा गुन्हा दाखल करण्यात आला आहे.