गिरीश महाजनांची विनंती अण्णा हजारेंनी फेटाळली; उपोषणावर ठाम  

29

अहमदनगर, दि. १५ (पीसीबी) – ज्येष्ठ समाजसेवक अण्णा हजारे  लोकपाल आणि शेतकऱ्यांच्या विविध प्रश्नांवर २ ऑक्टोबरपासून राळेगणसिद्धी येथे उपोषण करणार आहेत. या पार्श्वभूमीवर राज्याचे जलसंपदामंत्री गिरीश महाजन यांनी राळेगणसिद्धीत येऊन त्यांच्याशी चर्चा केली. यावेळी त्यांनी सरकारच्या वतीने घेतलेल्या निर्णयांची माहिती देत उपोषण न करण्याची विनंती केली. मात्र, सरकार केवळ आश्वासने देत आहेत, असे सांगत  अण्णांनी आंदोलनावर ठाम असल्याचे सांगितले.