अहमदनगर जिल्ह्यातल्या जामखेडमध्ये चार बहिणी झाल्या आईच्या खांदेकरी

14

जामखेड, दि. १७  (पीसीबी) – समाजात रुढी, परंपरांना छेद देण्याचे धाडस सहसा कोणी करत नाही. समाजातील स्त्री-पुरुष भेदाभेद आजही पूर्णपणे मिटलेला नाही, याचा प्रत्यय वेगवेगळ्या घटनांमधून येत असतो. हे वास्तव आहे. या वास्तवाला छेद देणारी घटना नुकतीच जामखेड येथे घडली. सोमवारी जामखेड येथे चार मुलींनी आपल्या आईच्या पार्थिवाला खांदा दिला. शांताबाई बोरा यांच्या चार मुलींनी ही कृती करत परिवर्तनाच्या वाटेवर आणखी एक पाऊल पुढे टाकले.