Breaking News
  • पुणे - माजी महापौर बंडू गायकवाड यांचा राष्ट्रवादीत प्रवेश
  • राष्ट्राध्यक्ष डोनाल्ड ट्रम्प मोदींशी आज रात्री फोनवरुन साधणार संपर्क
  • संजय निरुपम पक्षाच्या हिताचे काम करत नाहीत - गुरुदास कामत
  • नोटाबंदीसंदर्भातल्या बैठकीसाठी देवेंद्र फडणवीस आज दिल्लीत
  • नवी दिल्ली - धुक्यामुळे २५ ट्रेन उशिरा धावणार
  • प्रजासत्ताक दिनाच्या पार्श्वभूमीवर जम्मू-काश्मीरमध्ये हाय अलर्ट
  • कोलकाता - इंग्लंडविरुद्धच्या तिसऱ्या वन डेत भारताचा क्षेत्ररक्षणाचा निर्णय
  • राष्ट्रपती प्रणव मुखर्जी आज पश्चिम बंगाल, झारखंडच्या दौऱ्यावर
  • कोलकाता - इंडियन ऑर्डिनन्स फॅक्टरीच्या मुख्यालयाला आग
पिंपरी चिंचवड महानगर पालिकेची सार्वत्रिक निवडणूक २०१७
Pimpri Chinchwad Bulletin: Pimpri News, Chinchwad News, Bhosari News

राशी


असा असेल फेब्रुवारीचा पहिला आठवडा


Main News

मेष 
पंचमात गुरू-राहू, सप्तमात मंगळ, भाग्यात बुध-शुक्र, दशमात रवि अशी छान ग्रहांची बैठक आपल्या राशीस लाभली असल्याने आपल्या अंगी असलेल्या कलागुणांना उत्तम वाव मिळेल. आपल्या कामाच्या क्षेत्रात आपणास मोठी संधी मिळण्याची शक्यता राहील. वैवाहिक जीवनात काही लहान-सहान कुरुबुरी होण्याची शक्यता राहील, तरी संयम ठेवा. व्यापार, कला, शिक्षण या क्षेत्रांत प्रगती साधता येईल. 

वृषभ 
चतुर्थात गुरू-राहू, षष्ठात मंगळ, अष्टमात बुध-शुक्र अशा प्रतिकूल ग्रहातून यशस्वी मार्ग काढताना आपली कसोटीच लागणार आहे. उधारी वसुलीसाठी प्रयत्नशील राहा. नव्या कामापेक्षा जुन्या कामातून लाभ कसा मिळविता येईल याचा विचार करा. आर्थिक व्यवहारात सावधानता बाळगा. वैवाहिक जीवनात व इतर कार्यात दिलेला शब्द पाळा. कोणावरही फाजील विश्वास न ठेवता वस्तुस्थिती तपासून पाहूनच निर्णय घ्या. नोकरीत बरीचशी सुलभता जाणवेल. 

मिथुन 
आपणास समजल्या जाणाऱ्या बातम्या, संदेश अशा गोष्टींवर चटकन विश्वास न ठेवता वस्तुस्थिती काय आहे याची शहानिशा करूनच कृती करणे योग्य ठरेल. वरिष्ठांची नाराजी पत्करू नका, वादविवाद टाळा व जुळ‍वून घेण्याचा प्रयत्न करा. राजकीय क्षेत्रात आपले वर्चस्व राखाल. प्रवासाचे योग येतील. महिलांना मनाप्रमाणे खरेदी करता येईल. बोलण्यावर योग्य नियंत्रण ठेवा. 

कर्क 
चतुर्थात मंगळ व षष्ठात बुध-शुक्र यांची प्रतिकूलता राहणार असल्याने व्यावहारिक गोष्टींत आपणास सतर्क राहावे लागणार आहे. किराणा व्यापारी, खेळणी, पुस्तके व प्रकाशन व्यावसायिकांना मोठी संधी मिळण्याची शक्यता आहे. प्रलोभनांपासून दूर राहा, आश्वासने देण्याचे टाळा. चतुर्थातील मंगळ कलहप्रिय असल्याने वादाचे प्रसंग निर्माण होण्याची शक्यता असते, तेव्हा वादाचे प्रसंग कटाक्षाने टाळा. कौटुंबिक वातावरण बिघडणार नाही याची दक्षता घ्या. थोरामोठ्यांचा सहवास लाभेल. कधी आनंद, तर कधी रुसवे-फुगवे असे मिश्र स्वरूपाचे अनुभवांचा हा आठवडा राहू शकेल. 

सिंह 
राशिस्थानी गुरू-राहू, पराक्रमी मंगळ, पंचमात बुध-शुक्र अशी छान ग्रहांची रचना आपल्या राशीस लाभली आहे, तर शनी चतुर्थात आहे अशा ग्रहस्थितीत आपले व्यवहार व कृती सरळमार्गी असावी. आपले अस्तित्व टिकविण्यासाठी गैरव्यवहार मात्र टाळा. षष्ठातील रवि आपल्या विरोधकांना पुढे सरकू देणार नाही. थोरामोठ्यांच्या भेटीतून नव्या गोष्टी शिकण्यास मिळतील. घरगुती होणारे गैरसमज पसरणार नाहीत याची दक्षता घ्या. मुलांच्या शैक्षणिक यशाचा आनंद घेता येईल. 

कन्या 
गुरूची आपल्यावर नाराजी आहे, पर्यायाने प्रयत्नांशिवाय यश मिळणे कठीण राहील. आपल्या हातातील कामे शेवटपर्यंत बिघडणार नाहीत याची दक्षता घ्या व कामे पूर्णपणे विचारांनीच केलीत तर यशाचा मार्ग सोपा होईल. नोकरदारांना आपले कार्याचे कौशल्य, हुशारी दाखविण्याची संधी मिळेल. व्यवसायात वाढ करण्यास हा काळ उत्तम राहील. कामाचा ताण न घेता त्यातून पुढे कसे जाता येईल याचा विचार करणे हितकारक ठरेल. आपल्या नावलौकिकात भर पडेल. आपल्या बोलण्याने इतरांची मने दुखावणार नाहीत याकडे अधिक लक्ष द्या. 

तूळ 
नवा व्यवसाय, नवी गुंतवणूक, नवे सहकारी अशी नवलाई आपणास या काळात अनुभवता येईल. थोरामोठ्यांचा आशीर्वाद, सल्लामसलत आपणास व्यावहारिक दृष्टीने उपयोगी पडेल, नव्या व्यक्तींचा परिचय होईल. अकरावा गुरू आपणास सर्व बाबतीत मोलाची मदत करील व आपली बाजू सावरून घेईल. प्रवास योग संभवतात. शनी साडेसातीचा काळ आहे हे विसरू नका आणि शनीची उपासना करा. व्यापारात प्रगती साधता येईल. प्रकृतीकडे मात्र दुर्लक्ष करू नका. 

वृश्चिक 
शनी साडेसातीचा काळ, त्यात मंगळ व्ययस्थानी अशा ग्रहस्थितीत खर्चाचे वाढणारे प्रमाण, सर्व बाजूकडून येणारा विरोध, प्रकृतीच्या काही तक्रारी या गोष्टींचा अनुभव येऊ लागेल. वादविवादाचे प्रसंग कटाक्षाने टाळा. कोणतेही आव्हान सध्या न स्वीकारणेच योग्य ठरेल. गोड बोलून आपला कार्यभाग साधण्याचा प्रयत्न करा. आपली आवक, वेळ आणि प्रत्यक्ष वस्तुस्थिती यांचा योग्य मेळ घाला. प्रवासात सावधानता बाळगा, मस्ती टाळा. उधार उसनवारी या गोष्टींपासून दूर राहा.

धनू 
शनी साडेसातीचा काळ आहे, हे विसरून चालणार नाही. राशिस्थानी बुध-शुक्र, द्वितीयात रवि, भाग्यात गुरू-राहू आणि एकादशस्थानी मंगळ अशी छान ग्रहांची रचना आपल्या राशीस लाभल्याने येणाऱ्या प्रश्नांतून आपण मार्ग काढू शकाल. आपणास नशिबाची साथ मिळणार असली तरी ऐनवेळी प्रश्न उपस्थित होऊ शकतात. नको ती अपेक्षा ठेवू नका. फार मोठा आर्थिक लाभ मिळत नसला तरी इतर फायदा मनाप्रमाणे मिळू शकेल. सामाजिक कार्यात एखादे मानाचे स्थान मिळण्याची शक्यता राहील. 

मकर 
राशिस्थानी रवि, दशमात मंगळ, एकादशात शनी यांची अनुकूलता लाभणार आहे, तर अष्टमात गुरू-राहू, व्ययात बुध-शुक्र यांची नाराजी राहील अशी संमिश्र स्वरूपाची स्थिती या काळात दिसून येतील. यशासाठी मेहनत करावी लागणार आहे, अडथळ्यातून मार्ग काढावा लागणार आहे. जुनी येणी वसूल करण्याचा प्रयत्न करा, नोकरदारांनी वादापासून दूर राहण्याचा प्रयत्न करा. सध्या जे मिळेल ते घ्यावे व अधिकासाठी प्रयत्नशील राहणेच योग्य ठरेल. 

कुंभ  
ग्रहमान अनुकूल आहे पण त्यातही विरोधाभास दिसून येतो हे दिसून येईल, जाणवू लागेल. परंतु यातूनच पुढे जाण्याचा मार्ग काढावयाचा आहे, यासाठी आपला अनुभव व थोरामोठ्यांचा सल्ला व मार्गदर्शन याचा उपयोग होईल. आपल्या बोलण्यावर योग्य नियंत्रण ठेवा. नको तेथे बोलून गैरसमजासारखे प्रश्न निर्माण होतील. कौटुंबिक जीवनात पेल्यातील वादळे उद्‍भवण्याची शक्यता आहे, ती होणार नाहीत याची दक्षता तुम्ही घेतली पाहिजे. गैरसमजापासून दूर राहा. 

मीन 
षष्ठात गुरू-राहू, अष्टमात मंगळ यांची नाराजी असल्याने त्याचे पडसाद दैनिक जीवनावर दिसू लागतील. कोणतेही आव्हान न स्वीकारणे हितकारक ठरेल. तसेच षष्ठात गुरू-राहू यांनी प्रतिकूलता असल्याने खाण्यापिण्याची पथ्ये पाळणे आवश्यक असणार आहे. प्रवासात सावधानता बाळगावी. प्रकृतीकडे दुर्लक्ष करू नका. शनी, शुक्र-बुध व रवि यांची अनुकूलता लाभणार असल्याने दैनिक व्यवहार सुरू ठेवता येतील. कला, व्यापार, नोकरी यात प्रगती करता येईल. 

Pimpri Chinchwad Bulletin: Pimpri News, Chinchwad News, Bhosari News

App Notification

Social

  • Twitter

  • Ads
  • Pimpri Chinchwad Bulletin